ഒരു സ്വകാര്യ മാധ്യമത്തിൽ
ഡോ ടി . എസ്. ശ്യാംകുമാർ രാമായണനിരൂപണം എഴുതുന്നതിനെതിരായുള്ള സംഘപരിവാർ ഭീഷണിയിൽ കേരള യുക്തിവാദി സംഘം സംസ്ഥാന കമ്മിറ്റി ശക്തമായി പ്രതിഷേധിക്കുകയും അദ്ദേഹത്തോട് ഐക്യദാർഢ്യം പ്രഖ്യാപിക്കുകയുംചെയ്യുന്നു.
മതസാഹിത്യങ്ങളും ഇതിഹാസങ്ങളടക്കമുള്ള ഇതരസാഹിത്യകൃതികളും വിമർശനത്തിനുവിധേയമാണ്. ജനാധിപത്യ സമൂഹത്തിൽ എഴുത്തുകാരനെന്ന നിലയിൽ ഏതു മാധ്യമങ്ങൾക്കും തൻ്റെ രചനകൾ നൽകുവാനുള്ള സ്വാതന്ത്ര്യവും അവകാശവും എഴുത്തുകാരനുണ്ട്.
കേരളത്തിലെ പുരോഗമന പ്രസ്ഥാനങ്ങളുടേതടക്കമുള്ള മുഖ്യധാരാ മാധ്യമങ്ങൾ സർക്കുലേഷൻ കുറയുമെന്നും വോട്ടുബാങ്കിനെ ബാധിക്കുമെന്നും കരുതി ഇങ്ങനെയുള്ള ലേഖനങ്ങൾ പ്രസിദ്ധീകരിക്കുവാൻ മുന്നോട്ടു വരില്ലെന്നു നമുക്കറിയാം.
രാമായണ മാസക്കാലത്തോ അല്ലാത്ത കാലത്തോ ഇതേ ലേഖന പരമ്പര പ്രസിദ്ധീകരിക്കുവാൻ ഏതെങ്കിലും മാധ്യമങ്ങൾ തയ്യാറാകുമോ? എല്ലാ മത , ഇതിഹാസ ഗ്രന്ഥങ്ങളേയും നിരൂപണം ചെയ്യാനും അവ പ്രസിദ്ധീകരിക്കാനും എല്ലാ മാധ്യമങ്ങളും മുന്നോട്ടു വരണം. പരസ്പരം സഹകരിച്ചും വിയോജിച്ചുമാണല്ലോ സമൂഹത്തിൻ്റെ സാംസ്കാരിക ബോധം വളരുക. ജമാഅത്തെ ഇസ്ലാമിയുടേയും സംഘപരിവാരത്തിൻ്റെയും രാഷ്ട്രീയത്തോട് വിയോജിക്കുന്നു.
ഡോ. ശ്യാംകുമാറിനെതിരായുള്ള പരിവാർ ഭീഷണിയിൽ ശക്തമായി പ്രതിഷേധിക്കുന്നു. അദ്ദേഹത്തിനു് ഐകദാർഢ്യം പ്രഖ്യാപിക്കുന്നു.
ഗംഗൻ അഴിക്കോടു്
സംസ്ഥാനപ്രസിഡണ്ട്.
ടി.കെ. ശക്തീധരൻ
ജനറൽ സെക്രട്ടറി.
കേരള യുക്തിവാദി സംഘം.
Kerala Yukthivadi Sangham