മുരിങ്ങൂർ ഡിവൈൻ ധ്യാന കേന്ദ്ര പരിപാടിയിൽ മുഖ്യമന്ത്രിയുടെ നേതൃത്വത്തിൽ ജനപ്രതിനിധികൾ പങ്കെടുത്തതിൽ ശക്തമായി പ്രതിഷേധിക്കുന്നു.
-കേരള യുക്തിവാദി സംഘം
നിരവധി ആരോപണങ്ങൾ നേരിടുന്ന
തൃശൂർ ജില്ലയിലെ മുരിങ്ങൂർ ഡിവൈൻ ധ്യാന കേന്ദ്രത്തിൽ ഇന്നലെ നടന്ന പൊതുപരിപാടിയിൽ കേരള മുഖ്യമന്ത്രിയുടെ നേതൃത്വത്തിൽ മന്ത്രിമാരും എം.പിമാരും എം എൽ എ മാരും പഞ്ചായത്ത് പ്രസിഡണ്ടടക്കമുള്ള ജനപ്രതിനിധികളും പങ്കെടുത്തതിൽ കേരള യുക്തിവാദി സംഘം സംസ്ഥാനകമ്മിറ്റി പ്രതിഷേധിച്ചു.
നൂറു കണക്കിന് ദുരൂഹ മരണങ്ങൾ ഡിവൈൻ ധ്യാന കേന്ദ്രവുമായി ബന്ധപ്പെട്ടിട്ടുണ്ടു്.
മരുന്ന് പരീക്ഷണങ്ങളടക്കമുള്ള ദുരൂഹ മരണങ്ങൾ അന്വേഷിക്കുന്നതിന് ബഹുമാനപ്പെട്ട കേരള ഹൈക്കോടതി നേരിട്ട് ഉത്തരവിട്ടിരുന്നെങ്കിലും ഉന്നത രാഷ്ട്രീയ ഇടപെടൽ മൂലം ഒന്നും വെളിച്ചം കാണുകയോ സത്യം പുറത്തു വരികയോ ഉണ്ടാകാതെ പോയി. ഉന്നത പോലീസ് ഉദ്യോഗസ്ഥനായിരുന്ന വിൻസന്റ് ഡി പോളിനായിരുന്നു അന്വേഷണ ചുമതല.
സർക്കാരിന്റെ ക്ഷേമപദ്ധതിയേക്കാളും തങ്ങൾ ചെയ്യുന്നതാണ് മഹത്തായ കാരുണ്യ പ്രവർത്തനമെന്ന് ബഹുജനങ്ങളെ തെറ്റിദ്ധരിപ്പിക്കാനാൻ പല ദിവ്യൻമാരും ദിവ്യകളും ഇത്തരം ആത്മീയ കേന്ദ്രനടത്തിപ്പുകാരും ചെയ്യുന്നതു് മഹത്തായ കാര്യമായാണ് പ്രചരിപ്പിക്കാറ്. അവരുടെ സാമ്പത്തിക സ്രോതസ് വെളിപ്പെടാതിരിക്കാനും സാധാരണക്കാരെ തെറ്റിദ്ധരിപ്പിക്കാനുമാണ് ഇത്തരം പ്രവർത്തനങ്ങൾ ഇവർ ചെയ്യുന്നത്. അന്ധവിശ്വാസങ്ങളെ സാധൂകരിക്കാനും അസൻമാർഗിക പ്രവൃത്തികളെ ന്യായീകരിക്കാനും
ജനകീയ നേതാക്കളുടെ ഇത്തരം ഇടപെടൽ മൂലം സാധിക്കുന്നു എന്നത് വളരെ ഗൗരവമുള്ള കാര്യമാണ്.
ഡിവൈനിൽ നടന്ന ചടങ്ങിൽ മുഖ്യമന്ത്രിയുടെ നേതൃത്വത്തിൽ ജനപ്രതിനിധികളടക്കം പങ്കെടുത്തതിൽ കേരള യുക്തിവാദി സംഘം സംസ്ഥാനകമ്മിറ്റി ശക്തമായി പ്രതിഷേധിക്കുന്നു.
ഗംഗൻ അഴീക്കോട്
സംസ്ഥാന പ്രസിഡണ്ട് .
ടി.കെ. ശക്തിധരൻ
ജനറൽ സെക്രട്ടറി